நிலாவரை .கொம்

siruppiddy

திங்கள், 15 பிப்ரவரி, 2021

விசா வாங்கித்தருவதாக ஆஸ்திரேலிய கூறி ஏமாற்றிய சீனப்பெண் சிறையில்

  ஆஸ்திரேலியாவில் போலி புலம்பெயர்வு முகவராக அறியப்பட்ட 38 வயது சீன பெண்ணுக்கு ஆறரை ஆண்டுகள் சிறைத்தண்டனை விதிக்கப்பட்டுள்ளது. புலம்பெயர்வு தொடர்பான பல்வேறு மோசடியில் ஈடுபட்ட இப்பெண், பல்வேறு நபர்களிடமிருந்து சுமார் 3 லட்சம் டாலர்கள் பெற்றுள்ளதாகக் கூறப்படுகின்றது. 

ஆஸ்திரேலியாவில் பதிவுச் செய்யப்பட்ட புலம்பெயர்வு முகவரைப் போன்ற வெளியில் காட்டிக்கொண்ட இப்பெண், விண்ணப்பிக்கப்படாத விசா விண்ணப்பங்களுக்கு பலரிடம் கட்டணம் பெற்றிருக்கின்றார். இப்பெண் மோசடியான செயல்பாட்டினால் பலர் ஆஸ்திரேலியாவுக்குள்ளேயே நுழைய முடியாத நிலையும் ஏற்பட்டிருக்கின்றது. 

இவரால் ஏமாற்றப்பட்டவர்கள் பெரும்பாலும் குறைவான ஆங்கிலத் திறன் மற்றும் ஆஸ்திரேலிய புலம்பெயர்வு சட்டம் குறித்து போதிய புரிதல் இல்லாதவர்கள் இருந்திருக்கின்றனர் என விசாரணை அதிகாரிகள் தரப்பில் தெரிவிக்கப்பட்டுள்ளது. 

கடந்த 2013ம் ஆண்டு, 30 வெளிநாட்டவர்களின் கடவுச்சீட்டு இப்பெண்ணின் வசமிருந்து கைப்பற்றப்பட்டது முதல் இவர் விசாரணை வளையத்திற்குள் கொண்டு வரப்பட்டிருக்கிறார். ஏனெனில், ஆஸ்திரேலிய சட்டத்தின் படி மற்றொருவரின் கடவுச்சீட்டைக் கொண்டிருப்பது குற்றமாக கருதப்படுகின்றது. 

அதன் தொடர்ச்சியாக, கடந்த 2014ம் ஆண்டு  போலி புலம்பெயர்வு முகவராக இச்சீனப்பெண் செயல்படுவதாக சந்தேகங்கள் எழுந்ததைத் தொடர்ந்து ஆஸ்திரேலிய எல்லைப்படை விசாரணை நடத்தியிருக்கிறது. 

அதைத் தொடர்ந்து அப்பெண்ணின் வீட்டில் நடத்தப்பட்ட சோதனையில், ஆயிரக்கணக்கிலான ஆவணங்கள், பல தொலைப்பேசிகள், கணினிகள், 30 ஆயிரம் ஆஸ்திரேலிய டாலர்கள் பறிமுதல் 
செய்யப்பட்டது. 
போலியான உள்துறை அமைச்சகத்தின் ஆவணங்களைக் கொண்டு குறிப்பிட்ட விசா விண்ணப்பதாரர்களுக்கு விசா வழங்கப்பட்டதாகக் கூறி ஏமாற்றியது தொடர்பான ஆவணங்களும் இதில்
 சிக்கியிருந்தன. 
இது தொடர்பான, வழக்கிலேயே இப்பெண்ணுக்கு ஆறரை ஆண்டுகள் சிறைத்தண்டனை வழங்கப்பட்டிருக்கிறது. ஆஸ்திரேலியாவைப் பொறுத்தமட்டில் அதிகாரப்பூர்வ புலம்பெயர்வுக்கான முகவராக செயல்பட Migration Agents Registration Authority தரப்பிடம் பதிவுச்செய்வது 
கட்டாயமாகும். 

நிலாவரை.கொம் செய்திகள் >>>

சனி, 13 பிப்ரவரி, 2021

இணைப்பு விசாக்கள் ஆஸ்திரேலியவில் 12 ஆயிரம் அகதிகள்

ஆஸ்திரேலிய கடந்த ஆண்டு நவம்பர் மாத கணக்குப்படி, ஆஸ்திரேலியாவுக்கு சட்டவிரோதமாக படகில் சென்ற சுமார் 12,000 அகதிகள் மற்றும் தஞ்சக்கோரிக்கையாளர்களுக்கு குறுகிய கால இணைப்பு விசாக்கள் வழங்கப்பட்டுள்ளன. 
இந்த இணைப்பு விசா என்பது தற்காலிகமானது என்பதால், குறிப்பிட்ட அகதியின் பாதுகாப்பு விசா பரிசீலிக்கும்படி வரும் வரையில் 6 மாதங்களுக்கு ஒருமுறை இணைப்பு விசா புதுப்பிக்க வேண்டிய சூழல் நிலவுவது அகதிகளை பெரும் சிரமத்துக்கு உள்ளாக்கியுள்ளதாகக் 
கூறப்படுகின்றது. 
எத்தோப்பிய அகதியான Betelhem Tebubu ஆஸ்திரேலியாவில் இணைப்பு விசாவுடன் கடந்த நான்கு ஆண்டுகளாக வசித்து வருகிறார். ஆனால் ஒவ்வொரு 6 மாதங்களுக்கும் அவரது இணைப்பு விசாவை புதுப்பிக்க
 வேண்டியுள்ளது. 
கொரோனா பெருந்தொற்று சூழலுக்கு முன்பு, விசாவை புதுப்பிக்கச் சென்ற Betelhem Tebubu-வை 8 மணிநேரம் சிறைப்படுத்தியிருக்கின்றார். மீண்டும் விசா ஆவணங்கள் புதுப்பிக்கப்பட்ட பின்னரே அவர் விடுவிக்கப்பட்டிருக்கிறார். 
“உங்கள் உணவை, தண்ணீரை, மருந்துகளை கொண்டு 
வாருங்கள். ஏனெனில் நாள் முழுவதும் நீங்கள் தடுத்து 
வைக்கப்படுவீர்கள்,” என ஒவ்வொரு 
முறை விசா புதுப்பிக்கும் போது குடிவரவுத்துறை அதிகாரிகள் தெரிவிப்பதாக Betelhem குறிப்பிட்டிருக்கிறார். 
“குடிவரவு அலுவலகத்தில் 8 மணிநேரம் நாங்கள் பூட்டி வைக்கப்பட்டோம். கழிவறைக்கு செல்ல வேண்டுமென்றால் கூட பாதுகாப்பு அதிகாரிகளுடன் தான் செல்ல வேண்டும்,” என்கிறார் Betelhem.
சொந்த நாடான எத்தோப்பியாவில் நிலவிய அரசியல் நிலையற்றத்தன்மை காரணமாக ஆஸ்திரேலியாவில் படகு வழியாக தஞ்சமடைந்த அவர், நவுருவில் உள்ள ஆஸ்திரேலியாவின் கடல் கடந்த தடுப்பில் சுமார் ஓராண்டு காலம் இருந்திருக்கிறார். 
கடந்த 2015ம் ஆண்டு ஆஸ்திரேலியாவுக்குள் மருத்துவ சிகிச்சைக்காக அனுமதிக்கப்பட்ட அவர், பிரிஸ்பேன் குடிவரவு இடைத்தங்கல் முகாமில் இரண்டு ஆண்டுகள் கழித்திருக்கிறார். பின்னர், இறுதிப் புறப்பாடு இணைப்பு விசா எனும் 6 மாத தற்காலிக விசா வழங்கப்பட்டு அவர் ஆஸ்திரேலியாவுக்குள் அனுமதிக்கப்பட்டிருக்கிறார். 
இவ்விசாவின் மூலம் ஆஸ்திரேலியாவுக்குள் வாழவும் பணியாற்றவும் இவர் அனுமதிக்கப்பட்டிருந்தாலும் இது நிரந்தரமான அனுமதியல்ல. 
இந்த விசாவே அண்மையில் ஆஸ்திரேலிய தடுப்பு முகாம்களிலிருந்து சுமார் 8 ஆண்டுகளுக்குப் பிறகு விடுவிக்கப்பட்ட 60 க்கும்  மேற்பட்ட அகதிகளுக்கு வழங்கப்பட்டுள்ளது. 
“நாங்கள் விடுவிக்கப்பட்டு விட்டோம். ஆனால் இணைப்பு விசா எனும் மிகப்பெரிய தடுப்பில் சிக்கியிருக்கிறோம். நான் சுதந்திரமாக நடக்கலாம், ஆனால் எனது சிந்தனை சுதந்திரமானதாக இல்லை,” என Betelhem கூறியிருப்பது இவ்விசாவின் தன்மையை சுட்டிக்காட்டுகின்றது. 
அந்த வகையில் ஆஸ்திரேலியாவில் இவ்வாறான
 தற்காலிக இணைப்பு விசாக்களில் உள்ள அகதிகளின் எதிர்காலம் என்னவாகும் என்பது பெருங்கேள்வியைக் கொண்ட குழப்பமாகவே 
உள்ளது. அதே சமயம், சட்டவிரோதமான படகுகள் மூலம் ஆஸ்திரேலியாவுக்குள் 
வருபவர்கள் எவரும் நிரந்தரமாக குடியமர்த்தப்பட மாட்டார்கள் என்ற கொள்கையை ஆஸ்திரேலிய அரசு தொடர்ந்து முன்வைத்து வருகின்றமை இங்கு குறிப்பிடத்தக்கது.

நிலாவரை.கொம் செய்திகள் >>>





வெள்ளி, 5 பிப்ரவரி, 2021

பணிப்பாளர் மருத்துவர் சத்தியமூர்த்தி திடீரென லண்டன் நோக்கிப் பயணமானார்

யாழ்ப்பாணம் போதனா வைத்தியசாலைப் பணிப்பாளர் தங்கமுத்து சத்தியமூர்த்தி திடீரென்று லண்டன் புறப்பட்டுச் சென்றுள்ளார்.லண்டனுக்கு புறப்படுவதற்கு முன்னர் விமான நிலையத்தில் படம் எடுத்து தனது முகநூலில் பகிர்ந்துள்ளார்.ஒருவருட கற்கை நெறி
 ஒன்றினைப் பூர்த்தி செய்வதற்காக அவர் லண்டனுக்குச் செல்வதாக கூறியுள்ளார்.யாழ்ப்பாணம் போதனா வைத்தியசாலைப் பணிப்பாளராக கடமையாற்றிவரும் வைத்தியர் தங்கமுத்து
 சத்தியமூர்த்தி முள்ளிவாய்க்காலில் நடந்த இறுதிப் போரின்போது, மக்களுக்காக தொடர்ந்தும் குண்டுமழை 
நடுவில் பணியாற்றியிருந்தமை தெரிந்ததே.மேலும், இலங்கையில் ஊழலற்ற அரச அதிகாரி என்ற விருதையும் கடந்த ஆண்டு இவர் பெற்றிருந்தார்.கொரோனா காலத்தில்
 யாழ் கோப்பாய் தேசிய கல்வியியற் கல்லூரி சிகிச்சைமையமாக மாற்றப்பட்டதும் அங்கு அனுமதிகப்பட்டிருந்த நோயாளர்களுடன் மிகவும் கரிசனையாக பழகியிருந்தமையும்
 குறிப்பிடத்தக்கதாகும்.

நிலாவரை.கொம் செய்திகள் >>>


திங்கள், 25 ஜனவரி, 2021

பனிப் பொழிவு பிரித்தானியாவில் -10 டிகிரி உறைவெப்பநிலையில் சிக்கித் தவிக்கும் மக்கள்


பிரித்தானியா அதன் மிக கடுமையான குளிர்கால இரவுகளை சந்திக்கவுள்ளதாக வானிலை ஆய்வு நிலையம் தெரிவித்துள்ளது.
கிறிஸ்டோஃப் என்ற கொடிய புயலை அடுத்து , கடுமையான பனி மற்றும் மழையின் மற்றொரு இயற்கை தாக்குதலை பிரித்தானியா சந்திக்கவுள்ளது
மைனஸ் 10 
டிகிரி செல்சியசுக்கு ஆர்க்டிக் பகுதியிலிருந்து
 பனிப்புயல் எதிர்பார்க்கப்படுவதாகவும், 6 அங்குலத்துக்கு பிரித்தானியா முழுவதும் பனிபொழிவு ஏற்படும் என வானிலை
 அலுவலகம் எச்சரிக்கை வெளியிட்டுள்ளது. முக்கியமாக இங்கிலாந்து மற்றும் வேல்ஸ் பகுதியில் கடுமையான 
பனிப்பொழிவு இருக்கும் என எச்சரிக்கப்பட்டுள்ளது. இது, ஏற்கெனவே வெள்ளத்தால் சோர்ந்துபோன அப்பகுதி மக்களுக்கு மேலும் துயரத்தை அச்சுறுத்துகிறது. மெதுவாக நகரும் பனி, 
பனிப்பொழிவு மற்றும் மழை.25-01-2021. ஞாயிற்றுக்கிழமை அன்று காலை மேற்கிலிருந்து வீசும், மேலும் இது தென்மேற்கு இங்கிலாந்தில் உள்ள டார்ட்மூர் மற்றும் எக்ஸ்மூர் மீது 6 இன்ச் (15 செ.மீ) பனியைக் கொட்டக்கூடும்.மேலும் ஷ்ரோப்ஷைர், வொர்செஸ்டர்ஷைர், க்ளோசெஸ்டர்ஷைர், ஆக்ஸ்போர்டுஷைர் மற்றும் ஹாம்ப்ஷயர் ஆகிய
 பகுதிகளில் 4 இன்ச் (10 செ.மீ) பனிப்பொழிவு இருக்கும் என தெரிவிக்கப்பட்டுள்ளது.  சாலைகளில் பயணிக்க முடியாததாக மாறலாம், கிராமப்புற சமூகங்களுக்கு போக்குவரத்து 
துண்டிக்கப்படலாம், ஓட்டுநர்கள் எதிர்பாராத நிலைமைகளையும் தாமதங்களையும் எதிர்கொள்ளக்கூடும், மின்வெட்டுகள் ஏற்படக்கூடும் என்று எச்சரிக்கப்பட்டுள்ளது.லண்டன் மற்றும் மான்செஸ்டர் ஒரே இரவில் -3 டிகிரி செல்ஸியஸாகவும், பிரிஸ்டல், பெல்ஃபாஸ்ட் மற்றும் கிளாஸ்கோ -2 டிகிரி செல்ஸியஸாகவும் குறையும் என்று
 எதிர்பார்க்கப்படுகிறது.23-01-2021..சனிக்கிழமை அன்று மாலை நிலவரப்படி, மத்திய மற்றும் தெற்கு இங்கிலாந்து, வேல்ஸின் பெரும்பகுதி, வடக்கு அயர்லாந்தின் பெரும்பகுதி மற்றும் ஸ்காட்லாந்தின் மேற்கு
 மற்றும் வடக்கு பகுதிகளுக்கு 5 பனிப்பொழிவு எச்சரிக்கைகள் வழங்கப்பட்டுள்ளன.24-01-2021.ஞாயிற்றுக்கிழமை அன்று .அதிகாலையில் தென் மேற்கு இங்கிலாந்து மற்றும் வேல்ஸில் ஒரு பனிப்பொழிவு நகரும் என்றும், பின்னர் கிழக்கு மிட்லாண்ட்ஸ் மற்றும் தென்கிழக்கு இங்கிலாந்து வரை பரவுகிறது என்றும் வானிலை அலுவலகம்
 தெரிவித்துள்ளது.

நிலாவரை.கொம் செய்திகள் >>>







வியாழன், 21 ஜனவரி, 2021

விடுதி தடுப்பிலிருந்து ஆஸ்திரேலியாவில் விடுவிக்கப்படும் அகதிகள்

ஆஸ்திரேலியாவின் மெல்பேர்ன் நகரில் தடுப்பிற்கான மாற்று இடமாக செயல்படும் ஹோட்டலில் சிறைவைக்கப்பட்டுள்ள சுமார் 60 அகதிகளுக்கு ஆஸ்திரேலிய அரசு தற்காலிக இணைப்பு விசா வழங்கியிருப்பதாக தகவல் வெளியாகியிருக்கிறது. 
இதையடுத்து,21-01-2021. இன்று மெல்பேர்ன் ஹோட்டலில் வைக்கப்பட்டிருந்த 26 அகதிகளுக்கு ஆறு மாத இணைப்பு விசா வழங்கப்பட்டு விடுவிக்கப்படுள்ளதாக தஞ்சக்கோரிக்கையாளர் வள மையம் தெரிவித்திருக்கிறது. மேலும் 34 பேர் நாளை விடுவிக்கப்படுவார்கள் எனத் தெரிவிக்கப்பட்டுள்ளது. 
இந்த அகதிகள் கடந்த 2019ம் ஆண்டு 
மனுஸ் மற்றும் நவுருத்தீவிலிருந்து மருத்துவ வெளியேற்றச் சட்டத்தின் மூலம் மருத்துவ சிகிச்சைக்காக ஆஸ்திரேலியாவுக்கு அழைத்து வரப்பட்ட அகதிகளாவர். 
முன்னதாக, இந்த அகதிகள் மெல்பேர்னின் Preston பகுதியில் உள்ள மந்த்ரா ஹோட்டலில் சிறைவைக்கப்பட்டிருந்த 
நிலையில் இவர்கள் கடந்த டிசம்பர் மாதம் பார்க் ஹோட்டலுக்கு மாற்றப்பட்டிருந்தனர். இந்த ஹோட்டல் கொரோனா காலத்தில் வெளிநாடுகளிலிருந்து திரும்பியவர்களுக்கான தனிமைப்படுத்தப்பட்ட தங்குமிடமாக பயன்படுத்தப்பட்டு வந்தது. 
அதே சமயம், இவ்வாறு 
ஆஸ்திரேலியாவில் வைக்கப்பட்டுள்ள எத்தனை அகதிகளுக்கு இணைப்பு விசா வழங்கப்பட்டுள்ளது என்ற தகவலை வெளிப்படுத்த ஆஸ்திரேலிய உள்துறை மறுத்திருக்கிறது. 
“தடுப்பிற்கான மாற்று இடத்தில் தங்கியுள்ளவர்கள் ஆஸ்திரேலியாவில் தற்காலிகமாக மருத்துவ சிகிச்சை பெறுவதற்காக அழைத்து வரப்பட்டவர்கள். மருத்துவ சிகிச்சையை நிறைவுச் செய்ய 
அவர்களுக்கு ஊக்குமளிக்கப்படுகிறது, அதன் மூலம் அமெரிக்காவில் மீள்குடியேறலாம். இல்லையெனில நவுரு, பப்பு நியூ கினியாவுக்கோ அல்லது தாய்நாட்டுக்கோ அவர்கள் திரும்பலாம்,” என ஆஸ்திரேலிய உள்துறை தரப்பில்
 தெரிவிக்கப்பட்டுள்ளது. 
இணைப்பு விசா பெறும் ஒரு அகதி, ஆஸ்திரேலியாவில் பணியாற்றவும் மருத்துவ உதவியை பெறவும் அனுமதிக்கப்படுகிறார் என்பது இங்கு குறிப்பிடத்தக்கது. 

இங்குஅழுத்தவும் நிலாவரை.கொம் செய்திகள் >>>



முதல் பெண் துணை அதிபராக அமெரிக்காவில் கமலா ஹாரிஸ்

அமெரிக்காவில் கடந்த நவம்பர் மாதம் நடைபெற்ற துணை அதிபர் தேர்தலில் ஜனநாயக கட்சி வேட்பாளராக போட்டியிட்டு வெற்றி பெற்ற கமலா ஹாரிஸ் அமெரிக்காவின் துணை அதிபராக
 பதவியேற்றார்.
இந்நிலையில் கமலாஹாரிஸின் பூர்வீகமான திருவாரூர் மாவட்டம், மன்னார்குடி அருகே உள்ள துளசேந்திரபுரம் கிராம மக்கள் சிறப்பு வழிபாடுகளில் ஈடுபட்டுள்ளனர். துளசேந்திரபுரம் கிராமத்தில் உள்ள 
குலதெய்வ கோவிலான தர்ம சாஸ்தா சேவகபெருமாள் ஆலயத்திற்கு கமலா ஹாரிஸ் 1991ம் ஆண்டு நன்கொடை அளித்துள்ளதாகவும், அந்த தெய்வத்தின் சக்தியாலேயே கமலா உயர் பதவிகளுக்கு சென்றுள்ளதாகவும் கூறுகின்றனர் கிராமத்தினர்.
மேலும் அவர் அதிபராக உயருவார் என்றும் நம்பிக்கை தெரிவித்தனர். கமலாஹாரிஸ் தனது பெருமுயற்சியினால் அமெரிகக் துணை அதிபராக உயர்ந்திருப்பதன் மூலம், தங்கள் கிராமத்திற்கு மிகப்பெரிய பெருமை சேர்த்துள்ளதாக கிராமத்தினர் பெருமிதம் 
தெரிவித்தனர்.
துணை அதிபராக இருக்கும் கமலா நான்கு ஆண்டுகளுக்கு பிறகு அதிபராக உயரும் வாய்ப்புகள் இருப்பதாகவும், அதற்காக இன்றே தாங்கள் பிரார்த்திக்கத் துவங்கி விட்டதாகவும் குறிப்பிடுகின்றனர் கிராமத்தினர். இந்தியாவுக்கு ஆதரவாக செயல்பட்டால் அடுத்த அமெரிக்க அதிபராக கமலாஹாரிஸ் தேர்வு செய்யப்படுவார் என்றும் நம்பிக்கை 
தெரிவித்தனர்.

இங்குஅழுத்தவும் நிலாவரை.கொம் செய்திகள் >>>



ஒஸ்திரியாவில் 30 உற்பத்திப் பொருட்களுக்கு சந்தை வாய்ப்பு

ஒஸ்திரியாவில் இடம்பெறும் சிறிலங்காவின்  73வது சுதந்திர தின வைபவத்திற்கு அமைவாக ஒஸ்திரியாவில் விற்பனை செய்யக்கூடிய இலங்கையில் உற்பத்தி செய்யப்படும் 30 பொருட்களுக்கு போட்டிமிகு விநியோகஸ்தர்களை கவருவதற்கு அந்நாட்டிலுள்ள எம் டி சி எக்ஸோடிக் நிறுவனம் திட்டமிட்டுள்ளது.
எம் டி சி எக்ஸோடிக் வர்த்தக தொகுதியின் ஒத்துழைப்புடன் இலங்கையின் தயாரிப்புகளை எந்தவித செலவுகளுமின்றி வியன்னாவில் உள்ள நகர் மத்திய நிலையத்தில் காட்சிப்படுத்துவதற்கான வசதிகளை செய்வதற்கு அங்குள்ள இலங்கை தூதரகம் தற்பொழுது நடவடிக்கைகளை
 மேற்கொண்டுள்ளது.
இந்த முயற்சியின் மூலம் இலங்கை உற்பத்திக்கு ஒஸ்திரியாவில் புதிய சந்தை வாய்ப்பை ஏற்படுத்திக் கொள்வதற்கு முடியுமென நம்பிக்கை தெரிவிக்கப்பட்டுள்ளது.
எம் டி சி எக்ஸோடிக் என்ற நிறுவனம் வலுவான நுகர்வோரை அடிப்படையாகக் கொண்ட ஒஸ்திரியாவில் பிரபலமிக்க அங்காடி வர்த்தக வலைப்பின்னலாகும். இதன் மூலம் இலங்கை தயாரிப்புகளை சந்தைப் படுத்துவதற்கும், அதனை வர்த்தக ரீதியில் மேம்படுத்துவதற்கும் பெரும் மேடையாக இது அமையும் எனவும் நம்பிக்கை தெரிவிக்கப்பட்டுள்ளது.

இங்குஅழுத்தவும் நிலாவரை.கொம் செய்திகள் >>>